戴祖仪草泥马NFT火速售罄 净袋500万
最近娱乐圈掀起一股NFT的热潮，好多艺人都加入战团，投资有道的艺人戴祖仪除了收藏艺术品，也是圈中首批低调玩NFT的艺人。
东网收到读者爆料，指戴祖仪的草泥马NFT6888只，在15分钟内售罄，指她净袋500万元。祖仪回覆：“呢个project我都有份去玩同一齐投资，我系投资咗少少嘅，都真系好多谢好多唔同嘅投资者支持，的确系15分钟卖晒，但我一定冇净袋500万，因为呢个project都有其他拍档，入面仲有其他做嘢嘅人，唔系我自己一个拎晒啲credit，我都系占少少一齐去玩啫。”
她坦言本身好锺意艺术，所以一直都有留意，稍后也会用这个project再搞不同的艺术展览，宣扬更多艺术，她说：“因为我哋内部嘅人都好有心，赚到啲钱都系放番落个pool度，继续去发展个project，所以真系冇话确实赚到几多。”
是否想开辟另一条财路？她笑说：“因为唔同project，佢哋想要嘅嘢都唔同，好多其他NFT嘅project赚完钱冇乜声气，我哋比较负责任啲，我哋有收入，但将啲收入放番落去运作，梗系希望会长远喺财务上有新嘅发展，要好睇之后反应，但我哋会努力去尝试。”
